Sykkelsesongen 2012

Posted on 09/04/2012 by

For sesongen 2012 har eg sett meg to mål når det gjeld sykling. Eg skal vere med på Bergen – Voss og Trondheim – Oslo.

Bergen-Voss skal eg sykle saman med ein gjeng frå Sparebanken Sogn og Fjordane forhåpentlegvis raskare enn 5:15. Sist eg deltok i BV i 2010, sykla eg på 5:50, så dette blir spennande. I 2011 var eg med Førde CK og sykla Den Store Styrkeprøven. Vi hadde mål om 18:50, men klarte det med glans og kom inn på 18:33. Dette har gjeve meirsmak og eg prøver igjen også i år med mål om 17:50. Det blir spennande om eg klarar dette, men om eg får trena så mykje som eg har tenkt så går det nok bra.

Posted in Sykkel | Comments Off

Hjortejakt med hund

Posted on 27/09/2011 by

Laurdag var vi på hjortejakt igjen. Vi var så heldige å ha med oss hunden til Bjørn, Ronja. Bjørn kunne ikkje vere med sjølv, men vi fekk låne….

Eg melde meg til å gå med hunden, noko som var svært interessant, sidan eg er i tankar om å skaffe meg hund sjøl. Vi hadde ferske spor på bøen til Trygve, og Ronja var ivrig oppover i granene. Eg slepte henne etterkvart, og ho søkte ei stund men kom att utan resultat. Vi gjekk nedatover mot bøen, og gjorde eit nytt søk, men heller ikkje denne gongen var det noko å finne. Vi fann ut at vi skulle byrje på nytt ved bøen, og denne gongen gjekk vi meir eller mindre rett innover mot Befringsdalen. Etterkvart slepte eg hunden igjen, og endeleg vart det los. Desverre kom Ronja attende nok eingong utan resultat. Vi bestemte oss for å prøve igjen på Grepstad, og søkte i terrenget der framme også utan resultat.

Vekslande vind og det faktum at vi har sett lite hjort i det siste får ta skulda for dårleg fangstresultat. Eg tykte likevel dette var kjekt, og dette med hund gav meirsmak.

Posted in Jakt | Leave a comment

Min fyrste blogg

Posted on 09/09/2011 by

Då har eg fått min eigen Blogg på heimesida mi. Eg har i sommar byrja med WordPress for å lage heimesider. Det er eit verkty som er spesielt retta mot blogging, men har og ei rekkje andre moglegheiter. WP er eit av verdas mest brukte publiseringsverkty, og dette betyr at det finst ei heil masse plugins som kan installerast, slik at ein får akkurat den heimesida ein har bruk for.

Widgets
Småprogram som kan køyrast på heimesida finst det og ei heil masse av. Eg har så smått byrja å kikke på korleis eg kan få dette til i WP, og snart kjem min fyrste widget, med veirmelding frå www.yr.no.

Frå www.wordpress.org :

WordPress is web software you can use to create a beautiful website or blog. We like to say that WordPress is both free and priceless at the same time.

The core software is built by hundreds of community volunteers, and when you’re ready for more there are thousands of plugins and themes available to transform your site into almost anything you can imagine. Over 25 million people have chosen WordPress to power the place on the web they call “home” — we’d love you to join the family.

Posted in Nettsider | Leave a comment